|
Alterprydelser og andre Kirkens Ejendele. Bandet
skal hvile over dem, indtil de have godtgjort Biskoppen den Skade, de
have tilføjet ham.
Innocentius episcopus seruus seruorum dej dilectis filiis,
ministro prouinciali Dacie et fratri Jacobo Skogby de ordine fratrum
minorum, salutem et apostolicam benedictionem. Sua nobis venerabilis
frater episcopus Roskildensis conquestione monstrauit, quod aduocatus
et communitas ciuitatis Lubicensis quosdam piratas in eorum nauibus
et expensis pretextu discordie inter ipsos et clare memorie regem
Dacie tunc exorte, ad castrum de Kopmannehafn et villas ibi vicinas
ad mensam suam spectantia hostiliter transmittentes, ecclesias
constitutas in castro et villis eisdem vna cum aliis domibus et
edificiis per eosdem piratas ignis incendio cremarj fecerunt,
sanctorum reliquiis ae libris, priuilegiis et ornamentis altarium
aliisque bonis ibidem jnuentis exinde nequiter asportatis. Quocirca
discrecioni vestre per apostolica scripta mandamus, quatinus, si est
ita, dictos sacrilegos tamdiu appellatione remota excommunicatos
publice nuncietis et faciatis ab omnibus acrius euitarj, donec eidem
episcopo de illatis ab eis jniuriis satisfaciant competenter et cum
vestrarum testimonio litterarum ad sedem apostolicam venerint
absoluendi. Non obstante, si eis a sede apostolica sit indultum, quod
interdici uel excomrnunicari non possint per litteras apostolicas,
nisi expressam fecerint de indulto huiusmodi mencionem, siue
indulgentia, qua ordini vestro ab ea sede concessum dicitur, vt
nullus de ordine ipso de causis litigancium, que sibi per apostolicas
litteras committuntur, jnuitus cognoscere teneatur, aut constitucione
de duabus dietis edita in concilio generali. Quodsi ambo hiis
exequendis non poteritis interesse, vnus vestrum ea nichilominus
exequatur. Datum Lugdunj, nonis marcii anno pontificatus nostri
octauo.
Afskrift i en Perg. Rulle fra 15 Aarh. i Geh. Ark.
Trykt i Thork. Dipl. Arn. Magn. I.187.
|
I s.14
|
