Kjøbenhavns Diplomatarium

Bind: I
Side: 22-23
Nummer: 19

Pave Alexander IV byder Biskoppen af Sverin, at han under Bandsstraf skal tilholde de Lægfolk af Roskilde Stift, der have nedbrudt Borgen Kopmannehafn, til selv at gjenopføre den og godtgjøre Biskoppen af Roskilde den Skade, han har lidt.

Alexander episcopus seruus seruorum dej venerabilj fratri episcopo Suerinensi salutem et apostolicam benedictionem. Sua nobis venerabilis frater noster episcopus Roskildensis conquestione mon-

I s.22

strauit, quod nonnullj layci sue dyocesis in castrum de Kopmannehafn ipsius dyocesis ad Roskildensem ecclesiam pleno jure pertinens hostiliter jrruentes, jllud funditus destruere temeritate propria presumpserint in ipsorum episcopi et ecclesie dispendium non modicum et grauamen. Quocirca fraternitati tue per apostolica scripta mandamus, quatinus, si est ita, laycos predictos, quod castrum ipsum reedificent ac de dampnis et jniuriis, que predictis episcopo et ecclesie taliter jrrogasse noscuntur, satisfaciant, vt tenentur monicione premissa per censuram ecclesiasticam appellacione remota, preuia racione compellas. Non obstante, si comniuniter vel diuisim ab apostolica sede indultum existat, quod excommunicari non possint per litteras apostolicas, nisi plenam et expressam fecerint de indulto huiusmodi mencionem vel quauis alia jndulgencia sedis eiusdem, per quam effectus presencium impediri valeat seu eciam retardari seu constitutione de duabus dietis edita in concilio generalj, dummodo vltra terciam et quartam aliquis extra suam dyocesim auctoritate presencium ad judicium non trahatur. Datum Anagnie iiij kalendas aprilis pontificatus nostri anno sexto.

Afskrift fra Erik af Pommerns Tid i en Pergamentsrulle i Geh. Ark. Tidligere trykt i Thorkelins Diplom. Arn. Magn. I. 238, hvor Aaret urigtig er opgivet til 1259.

I s.23