|
Pave Innocens III stadfæster Absalons Gavebrev
til Roskilde Kirke paa Hafn og det andet Gods som Nr. 1. Dette Brev
er ordlydende med Nr. 4 og da det kun er udstædt et Par Maaneder
efter dette, er det formodenlig samme Brev, der med sin ældre Datum
er indført i den pavelige Kopibog, men derimod først virkelig er
udfærdiget med den Datum, det her har.
Innocentius episcopus seruus seruorum dei venerabili fratri
Absaloni Lundensi, archiepiscopo salutem et apostolicam
benedictionem. Fratres et coepiscopos nostros tam propinquos quam
longe positos sincera tenemur caritate diligere ipsosqve in hiis, que
iuste requirunt, libenter et efficaciter exaudire. Eapropter,
uenerabilis in Christo frater, tuis iustis postulationibus grato
concurrentes assensu ad exemplar felicis recordationis Vrbani pape
predecessoris nostri castrum de Hafn, quod illustris memorie
Waldemarus olim rex Dacie tue fraternitati contulit et tu tali
conditione interposita Roskildensi ecclesie pia consideratione
dedisti, ut ipsum debeas quoad uixeris detinere, post decessum tuum
ad ecclesiam ipsam libere deuoluendum, sub iamdicte conditionis
tenore, sicut ipsum iuste et sine controuersia possides, cum omnibus
pertinentiis suis, auctoritate tibi apostolica confirmamus et
presentis scripti patrocinio communimus, videlicet uillam ipsam de
Hafn, mansionem de Otherslef cum omnibus pertinentiis suis, scilicet
Serslef, Solbiarge, Huanlosæ, Wigislef, Walbu, mansum unum Brunshoge,
Imbretorp, mansiones de Gefnetofte et de Murhoge cum omnibus
pertinentiis earum, mansiones de Borgbu et de Niartbarum cum omnibus
pertinentiis earum, mansiones de Barsuerthe et de Wigherom cum
omnibus pertinentiis earum, mansiones de Husfrecop et de Hauerthi cum
omnibus pertinentiis earum et uniuersam partern eorum, que acquisiuit
Nicholaus castellanus tuus, iuxta tenorem pacti, quod inter uos
conuenit. Nulli ergo omnino hominum licitum sit hanc nostre paginam
confirmationis infringere uel ei ausu temerario contraire. Siquis
autem hoc attemptare presumpserit, indignationem omnipotentis dei et
beatorum Petri et Pauli apostolorum eius se nouerit incursurum. Datum
Laterani, idibus nouembris pontificatus nostri anno primo.
|
I s.5
|
