|
Markvard af Stove den ældre og Otto Galenbek,
Høvedsmænd i Kjøbenhavn, give med deres Herre Greven af Holstens
Samtykke Lybækkerne i dette Aar Tilladelse til at komme til
Kjøbenhavn paa Handlens Vegne eller til Sildefangst paa Markedets
Tid, og giver alle Fred, hvis da ikke nogen af dem selv fremkalder
Strid.
Viris nobilibus dominis et consulibus amicis nostris specialibus
in Lubeke, Marquardus de Stouw senior ac Otto Ghalenbek, in
Copmanhafnis capitanei, seruicij continui incrementum. Pro piis et
fructuosis nobis sepius inpensis benificijs vestro honori non sine
graciarum actionibus inclinamus. Pro possibilitate itaque nostra
vestre placere intendentes voluntati, commodis nichilominus vestris
insistentes, cum consensu dilecti domini nostri, Holtzacie comitis,
decreuimus, vniuersis nomine vestro Copmanhafnis anno presenti
racione mercature aut allecium capture tempore nundinarum instancium
venientibus tocius commodi dare pacem, nisi tunc, quod deus auertat,
excessus ab aliquo vestrum oriatur, quem ob vestri reuerenciam
volumus graciose vtique emendari. Vestre igitur, si expedire
videbitur, honestati consulimus et persuademus, quatenus huiusmodi
pacis seeuritatisque formam et modum vestris conciuibus vestramque
ciuitatem visitantibus mercatoribus dignemini fiducialiter enodare.
Nam cooperante domino vestris nomine vestro illuc venientibus
fauorem, amiciciam, profectus et commoda, vti magis expedit,
salutifere inpendemus, tales pre ceteris seruicijs diligentes; nobis
precipientes in omnibus confidenter. Datum Hafnis anno domini MCCC
quadragesimo, octauo Ydus Julij, nostrorum sigillorum sub appensione
firmiori.
Af Urkundenbuch der Stadt Lübeck II. S 655-56.
|
I s.76
|
