|
Biskop Henrik af Roskilde overlader med sit Kapitels Samtykke for
sin Livstid til Kong Valdemar Slottet og Byen Kjøbenhavn med al Ret
og tilliggende og alle Pengeindtægter, saaledes som Kongen hidtil har
haft det, desuden sit Gods i Serrislev og en Mølle, til Tak for, at
Kongen har udrevet ikke alene hans Kirke, Kleresi og Folket af
Fjendernes Trældom, i hvilken de en Tid vare nedtrykte, men ogsaa
udfriet hans Forgænger og Kirkens undergivne af Fangenskabets Aag med
forskjellig Umage Tab og Udgift.
Vniuersis Christi fidelibus, ad quos presentes littere
peruenerint, Henricus dei gratia Roskildensis ecclesie episcopus
salutem in domino sempiternam. Ad vniuersorum noticiam tenore
presencium cupimus peruenire, quod ex relatu veridico nostri capituli
Roskildensis et diligenti inquisicione prehabita sane intelleximus,
illustrissimum principem dominum nostrum dominum Waldemarum,
Danorum Sclauorumque regem, non solum ecclesiam nostram, clerum et
populum ab hostium seruitute et emulorem suorum, qua depressi pro
tempore fuerant et detenti, ac ecclesiastica libertate quodammodo
destituti, disponente domino, salubriter eruisse, verum eciam nostram
predecessorem, familiares et subditos antedicte ecclesie nostre a
iugo captiuitatis diuersis suis laboribus, dampnis et expensis
liberasse. Quamobrem consensu et plena deliberacione predicti
capituli nostri prehabita ipsi domino nostro regi castrum et villam
Hafhensem cum omni iure et singulis pertinenciis suis necnon
deriuacionibus vniuersis, que se ad pecuniam extendere poterunt
numeratam, prout idem dictus noster rex actenus tenuerat, vna cum
bonis nostris in Særethslef et situ cuiusdam molendini, ad dies
nostros Henrici episcopi de consensu capituli nostri iuncti
dimittimus libere disponendum, recognoscentes, nos dictam dimissionem
non vi nec metu fecisse aliqualiter, sed cum bona et sincera
voluntate nostra et capituli nostri memorati, eciam bona fide
promittentes, quod nec nos nec nostrum capitulum seu aliquis nostro
nomine dictum dominum regem super ipso castro, vt premittitur,
impetere uel molestare debeamus quoquo modo. In cuius rei
testimonium sigillum nostrum vna cum sigillo capituli nostri
supradicti presentibus est appensum. Datum Calundborch anno domini
mccc quinquagesimo iubileo, dominica ante diem sancte Katerine
virginis, presentibus honestis viris dominis Michaele cantore,
Lamberto et Nicholao
|
I s.89
|
