|
Hr. Johannes Henrichsen skøder til Kapitlet en Gaard i Nikolaj
Sogn i Tyskemannegade.
Omnibus presens scriptum cernentibus Jacobus Scrædder, aduocatus
ville Haffnensis, Andreas Laurencii et Arnoldus Krwse, proconsules,
Johannes Jenson dictus Wat, Jacobus Swenson, Petrus Jenson et
Nicolaus Jwde, consules ibidem, salutem in domino. Constare volumus
vniuersis presentibus et futuris, quod sub anno domini mcdxxx tertio
feria secunda ante festum natiuitatis sancti Johannis baptiste coram
nobis et aliis fidedignis in placito ville Haffnensis propter hoc
specialiter constitutus honorabilis vir dominus Johannes Hinrici
presbiter, perpetuus vicarius ecclesie Roskildensis, fundum suum cum
omnibus edificiis suis in ipso constitutus in parochia sancti Nicolai
apud plateam dictam Thyeskemannegade ad austrum Haffnis situm, quem
post mortern patris sui pie memorie iure hereditario habuit,
venerabili capitulo Haffnensi scotauit et ad perpetuam possessionem
libere assignauit, honorabili viro domino Johanne clerico, decano
ibidem, huiusmodi scotacionem ibidem acceptante, quod vidimus et
audiuimus, presentibus literis protestamur et sigillis nostris in
mayorem euidenciam confirmamus. Datum anno, die et loco supradictis.
Af Seglene er Nr. 3 i Behold. Orig. paa Perg. i Geh. Ark.
|
II s.61
|
