|
Kapitlet udlejer en Gaard i Klædeboderne op til Frue Kirkegaard.
Omnibus presens scriptum cernentibus Tyco Johannis, canonicus
Roskildensis, salutem in domino. Constare volo vniuersis presentibus
et futuris, me a venerabili capitulo Haffnensi quandam curiam
ecclesie beate Marie virginis Haffnensi pertinentem in platea dicta
Klæthebother sitam et cimiterio eiusdem ecclesie contiguam, quam
quidem Andreas Laurencii quondam proconsul Haffnensis pie memorie
inhabitauit, ad dies meos conductiue accepisse, sub conditionibus
infrascriptis, primo videlicet quod quatuor marchas argenti ....
bone monete et bene datiuas prompte persoluendas, videlicet vndicim
solidos grossorum cum tribus grossis infra pasca et alios vndicim
solidos grossorum cum tribus grossis tempestiue infra festum sancti
Michaelis ratione pensionis annis singulis erogabo. Item predictam
curiam edificabo et edificatam in bono esse et statu tenebo, et
quicquid in ea construxero, sub tectura lapidea conseruabo. Item
edificia modo constructa et peramplius construenda nullo modo vendam
vel quomodolibet alienabo sine consensu capituli supradicti. Item
tributa et alia queuis onera, si que ex mandato principum vel ville
ipsi curie imposita fuerint temporibus meis, absque vlla inpensa
soluere teneor. Item predictis articulis vel aliquo eorum non
seruatis, presentes littere irrite sint et inanes, et predicto
venerabili capitulo dictam curiam resumendi et reuocandi libera sit
facultas. Me vero Tycone de medio sublato predicta curia cum omnibus
edificiis et meliorationibus suis absque reclamatione quorumcunque
libere cedat capitulo supradicto. In cuius rei testimonium sigillum
meum presentibus est appensum. Datum Haffnis anno domini millesimo
quadringentesimo quadragesimo
|
II s.88
|
