|
Erik Glippings Privilegium for det Gods Hr. Jon Litle gav til S.
Cecilie Alter i Frue Kirke. Jfr. Rørdams Kirker og Klostre, S. 200.
Ericus, Dei gracia Danorum Sclauorumque rex, omnibus hoc scriptum
cernentibus in domino salutem. Noueritis, quod nos bona in Kirkijholt
et Vassingruth, que dominus Jon Litlæ vir venerabilis ad altare
sancte Cecilie dedicatum in ecclesia beate Marie virginis Køpmanhaffn
contulit pleno jure vna cum familia in dictis bonis residente, sub
nostra pace et protectione recipientes specialiter defendenda,
dimittimus eadem bona ab omni expedicionis grauamine, impeticione,
innæ et stwd ceterisque oneribus, solucionibus et seruiciis ad ius
regium spectantibus libera pariter et exempta, racione quarum
libertatum et gracie persone, que dictum altare pro loco et tempore
officiauerint, nos et liberos nostros in oracionibus suis
recommendatos habere debeant continuo in perpetuum apud deum
fauorabiliter et deuote. Vnde per graciam nostram districte
prohimemus(!), ne quis aduocatorum nostrorum uel eorundem
officialium seu quisquis alius dicta bona contra tenorem
precencium(!) presumat aliquatenus impetere vel indebite molestare,
prout regiam vitare voluerit vlcionem. Datum Roskildis anno domini
mcc octogesimo quinto, tercio jdus julii, teste domino Jon Litlæ.
En gammel Afskrift i Geh. Ark. Udenpaa: Super libertatibus
bonorum Kjrcholt et Vassingrøth. Originale habetur in receptaculo
majori.
|
III s.1
|
