|
Johannes Hillebrandsen lejer af Frue Kirke en Gaard i Nikolaj Sogn
ved Stranden.
Omnibus presens scriptum cernentibus uel audientibus Johannes
Hillebrandi ciuis Haffnensis salutem in domino. Nouerint vniuersi
presentes et futuri, me a venerabili capitulo Haffnensi quandam
curiam ecclesie beate Marie virginis Haffnensi pertinentem in
parochia sancti Nicholai iuxta mare sitam, in qua modo habito, ad
dies meos, vxoris mee Lucie quam modo habeo, nec non liberorum
nostrorum de nobis inuicem genitorum conductiue accepisse sub
condicionibus infrascriptis, primo quod ego predictus Johannes, vxor
mea Lucia, nec non liberi nostri tutoribus ecclesie, qui pro tempore
fuerint, xii solidos grossorum, duobus temporibus anni scilicet sex
infra pasca et sex infra festum sancti Michaelis tempestiue et
expedite pro pensione annua erogemus. Item predictam curiam
edificemus, edificatamque in statu bono teneamus, et quicquid in ea
construxerimus, cum tectura lapidea conseruemus. Item edificia modo
constructa et per amplius construenda nullo modo vendamus, nec
quomodolibet alienemus sine consensu capituli sapradicti. Item
tributa et alia queuis onera, que a mandato principum vel ville
curiis ecclesie imposita fuerint, temporibus nostris absque vlla
recompensa soluere teneamur. Prescriptis vero articulis vel aliquo
eorum non seruatis, littere nobis a venerabili capitulo date irrite
sint et inanes et eidem capitulo predictam curiam cum edificiis,
meliorationibus omnibus reuocandi et resumendi libera sit facultas.
Me vero, vxore mea Lucia predicta nec non liberis nostris de medio
sublatis dicta curia cum edificiis et meliorationibus vniuersis
libere cedat absque reclamatione quorumcunque ecclesie supradicte. In
cuius rei testimonium sigillum meum vna cum sigillis discretorum
virorum Nicholai Hillebrandi, Jacobi Adriani presentibus est
appensum. Datum Haffnis anno domini mcdlxx secundo, feria sexta post
dominicam quasi modo geniti.
Udenpaa: Littera recognitionis Johannis Hillebrand super curia
iuxta mare. Langebeks Afskrift i Dipl. i Geh.-Ark. efter Orig. i Frue
Kirkes Arkiv.
|
IV s.108
|
