|
Erkebiskop Jens Brostrup af Lund og otte andre Bisper skænke
fyrretyve Dages Aflad til dem, der besøge Helligtrekongers Kapel i
Vor Frue Kirke i Kjøbenhavn.
Vniuersis et singulis Cristi fidelibus, presentes literas
audituris seu visiris, Johannes Brostrop, miseracione diuina
archiepiscopus Lundensis, Suecie primas et apostolice sedis legatus,
Olauus Martini Roskildensis, Johannes Arusiensis, Jacobus
Burglanensis, Petrus Ripensis, Johannes Scharensis, Karolus
Ottoniensis, Johannes Bergensis et Andreas Gardensis eadem gracia
ecclesiarum episcopi, eternam in domino salutem. Pium et gratum deo
obsequium impendere credimus, quociens fideles suos ad pietatis opera
excitamus: cupientes igitur, vt capella sanctorum trium regum in
ecclesia beate Marie virginis Haffnensi, Roskildensis diocesis,
congruis habeatur reuerencia et honore et a fidelibus iugiter
frequentetur. Omnibus igitur vere penitentibus confessis et
contritis, qui ad dictam capellam causa deuocionis, peregrinacionis
seu oracionis accesserint, et, precipue in festis patronorum ac
dedicacionibus eiusdem, missas, predicaciones et alia diuina officia
ibidem audierint, vel qui pro felici statu sancte ecclesie et regni
Dacie deum pie exorauerint seu in serotina aut matutinali
pulsacionibus more Romane ecclesie terna vice flexis genibus
angelicam salutacionem deuote dixerint, vel qui oracionem dominicam,
salutacionem angelicam aut alias deuotas oraciones coram altari eius
capelle ob reuerenciam patronorum eiusdem cum deuocione legerint, vel
qui ad fabricam altaris ibidem, ad lumina, ymagines vel alia eius
ornamenta melioranda manus porrexerint quomodolibet adiutrices,
quociens premissa vel premissorum aliquid deuote fecerint, tociens de
omnipotentis dei misericordia et beatorum Petri et Pauli apostolorum
eius auctoritate confisi, singuli nostrum quadraginta dierum
indulgencias de iniunctis eis penitenciis in domino misericorditer
relaxamus, consensu diocesani ad hoc ascedente. Et nos Olauus Martinj
predictus indulgencias prefatas ac quascunque alias eidem jcapelle
seu altari per quoscunque ordinarios rite et canonice concessas,
quantum cum deo et de iure poterimus, presentibus confirmamus. Datum
in opido Rotneby, anno domini mcdlxxvj0, die decollacionis beati
Johannis baptiste, nostris sub secretis.
Orig. paa Perg. i Geh.-Ark. med de fem første Segl. Rørdam,
Kirker og Klostre, T., 70-71.
|
IV s.124
|
