|
Jesper Henriksen, Dekan, og Kapitlet i Kjøbenhavn overdrager Lic.
med. Mag. Peder Albretsen deres Skole syd for Kirken, at han og hans
Medbrødre kunde holde Forelæsninger der, saalænge indtil
Universitetet kunde faa et bedre Forelæsningsrum.
Vniuersis et singulis presentes litteras visuris seu audituris nos
lasperus Henrici, decanus, totumque capitulum ecclesie Haffnensis
salutem, gaudium in domino et perpetue pacis incrementum. Dignum enim
arbitramur, scienciarum et virtutum amatores fauorabiliter et
generosi iusta intencione petentes leuius exaudiri, ea de causa in
honorem dei diuinique cultus augmentum, visis litteris commissionis
illustrissimi principis et domini, domini Cristierni, Dacie, Suecie,
Norwegieque regis etc., quibus commisserat venerabili viro in artibus
magistro et in medicinis licenciato magistro Petro Alberti plenam
auctoritatem acceptandi certos doctores et magistros, qui vna secum
in diuersis facultatibus lectiones incipient et continuent, dignosque
in eisdem facultatibus promoueant, que quidem commissio de consensu
et consilio reuerendissimorum in Cristo patrum et dominorum Johannis
Brozstorp, archiepiscopi Lundensis, Olaui Martini, episcopi
Roskildensis, videtur per eorundem dominorum reuerendissimorum
litterarum confirmatione emanasse: Eidem venerabili magistro scolas
nostras in parte meridionali ecclesie nostre situatas pro lectionibus
et exerciciis per eundem et suos consocios faciendis libere et
graciose concessimus, tenoreque presencium concedimus, donec et
quousque predictus magister et sui consocii de scolis melioribus
fuerint prouisi. Volumus insuper magistris et doctoribus et eorum
suppositis in eorum priuilegiis et libertatibus pro posse assistere
in omnibus licitis et honestis. In cuius rei testimonium sigillum
capituli nostri presentibus duximus appendendum. Datum Haffnis anno
domini m0. cd. septuagesimooctauo, in profesto omnium sanctorum.
Udenpaa: Super scola lectionum formalium. Orig. paa Perg. med
Kapitlets Segl (beskadiget) i Konsist. Ark. Rørdam, Kirker og
Klostre, T., 73-74.
|
IV s.129
|
