|
Absalon, Kannik i Kbhvn, giver en Grund med Stenhus til Vor Frue
Kirkes Bygning, dog forbeholder han sig og sin Medkannik Klemens
Indtægten i deres Livstid.
Omnibus presens scriptum cernentibus Absalon canonicus ecclesie
Hafnensis salutem in domino sempiternam. Noueretis, quod fundum vnum
cum domo lapidea in eodem constructo(!), situm in parte borientali a
tabernis carnificum, fabrice ecclesie beate virginis Hafnis sanus et
incolumis confero, trado, et ad manus assigno iure perpetuo
possidendum, condicione tali prehabita, quod tuteres dicte fabrice,
qui pro tempore fuerint, mihi et non alii singulis annis diebus uite
mee omnes fructus et redditus de fundo et domo supradictis
prouenientes tradere vtique debeant et assignare. Post mortem uero
meam omnes fructus et redditus supradictos tutores antedicti cuidam
domino Clementi meo concanonico singulis annis, quamdiu vixerit,
amministrare teneantur. Hoc insuper prouiso, quod dictus fundus cum
domo lapidea et omnibus eorum pertinentiis et redditibus integre ac
sine diminucione statim post obitum ipsius domini Clementis perpetuo
cedant fabrice memorate. In cuius rei testimonium et cautelam
euidentem sigillum meum vna cum sigillis discretorum virorum Hinrici
Møme 1), Tidekini Lyttekenborgh et Henrici Raklinghuse, consulum
Hafnensis ciuitatis eiusdem, presentibus est appensum. Datum anno
domini m0. ccc0. quinquagesimo septimo, dominica proxima post
epyphaniam domini.
Paategnet: Litera super domo lapidea in Thydeskemanne gade, quam
habet Johannes Bosson. Langebeks Afskr. i Diplom. i Geh.-Ark. (»Orig.
membran, mutilum af Vor Frue Kirkes Arkiv 1763«). Rørdam, Kirker og
Klostre, T., 15-16.
__________
1) I en tidligere, forøvrigt mindre god, Afskrift af dette Brev
(ogsaa af Langebek) læses dette Navn Molnæ, hvilket maaske er
rigtigere, da der i et Dokument af 1350 forekommer en Hinze (i.e.:
Henrik) Mollæ som Borger i Kjøbenhavn. (Rørdam, a. St. 16.)
|
IV s.11
|
