|
Broder Christiern Torkildsen, Prior for Helligaands Hus i
Kjøbenhavn og Ordenens Generalvikar i Danmark, optager Fru Birgitte
Christiernsdatter (Vasa) i Helligaandsordenens Broderskab.
Vniuersis Cristi fidelibus presentes cernentibus ffrater
Cristiernus Thorkilli, prior domus ordinis sanctispiritus in Haffnia
necnon generalis vicarius ordinis eiusdem Dacie, salutem in domino
sempiternam. Noueritis, me honorabilem mulierem, dominam Birgittam
Cristiernj, ad sanctam dicti ordinis confraternitatem collegisse,
annuentes ei iuxta indulta sedis apostolice participacionem bonorum
spiritualium, videlicet missarum matutinarum, horarum, vigiliarum,
oracionum, peregrinacionum terre sancte, dedicacionum sancte Romane
ecclesie, elemosinarum tocius predicti ordinis, necnon omnium priorum
operum, que nobiscum ineffabili clemencia saluatoris fieri
donauerit in perpetuum, dummodo alias per confessionem et
contricionem habilis fuerit et in statu merendi. Hoc adiicientes, ut
cum obitus eius, vtinam deo gratus, nostro conuentui fuerit
intimatus, idem officium exequiale fiet pro ea, qvod pro singularibus
amicis et specialibus benefactoribus nostris fieri communiter est
consuetum. Datum anno domini mcdlxxxij.
Orig. paa Perg. i Geh.-Ark. Seglet fattes. Rørdam, Kirker og
Klostre, T., 87-88.
|
IV s.187
|
