|
Lejebrev paa Frue Kirkes Gaard i Tydskemannegade eller Suderboder.
Vniuersis et singulis presentes litteras inspecturis Ericus
Nicolai, artium et decretorum doctor, decanus Haffnensis, totumque
capitulum ibidem salutem in domino Jhesu Christo. Nouerint vniuersi
presentes et futuri, quod recognoscimus nos ex vnanimi consensu
honorabili viro domino Johanni Hanin concanonico nostro quandam bodam
cum fundo suo in platea Thyskemanne gade seu vico Suder Boder
vulgariter dicto, ad partem occidentalem inter bodas altaris, quod
idem dominus Johannes Hanin in ecclesia beate Marie virginis Hafnis
in honore transfigurations Jhesu Christi nec non viginti quatuor
seniorum fundaverat, in qua quidem boda quidam Nicolaus Mynte nunc
personaliter residet, situatam, cum omnibus pertinentiis suis
secundum longitudinem et latitudinem, nullis penitus exceptis,
vendidisse, scotasse et ad manus suas realiter assignasse, iure
perpetuo possidendam ac plenum et snfficiens precium de memorato
domino Johanne Hanin ad beneplacitum nostrum pro predicta boda et
fundo integraliter percepisse, ut reddimus penitus nos contentos,
seruata tamen conditione apposita, propter quam gratiose
condescendimus sibi in pretio redonando, ut videlicet prefata boda
cum fundo suo, cum in medio aliarum bodarum ipsius altaris, ut
prefertur, situata est, adjiciatur dicto altari, et sub eo perpetuo
maneat iuxta promissa domini Johannis Hanin antedicti. Vnde obligamus
nos et successores nostros prelibato domino Johanni Hanin ac altari
prefato sepedictam bodam cum fundo suo liberare, appropriare et
disbrigare sine reclamatione quorumcunque. In cuius rei testimonium
sigillum nostrum capitulare presentibus duximus appendendum. Datum
Hafnis anno domini mcdlxxxviii ipso die translationis sancti Kanuti
ducis et martiris gloriosi.
Seglet er borte. Afskrift i Dipl. i Geh.-Ark. efter Orig. i Frue
Kirkes Arkiv.
|
IV s.206
|
