|
Lejebrev paa Kapitlets Gaard i Nestved.
Omnibus presens scriptum cernentibus Andreas Olaui ciuis
Nestwedensis salutem in domino. Nouerint vniuersi presentes et
futuri, me quandam curiam ecclesie beate virginis Haffnis
pertinentem in dicta Nestuedia quasi occidentaliter ab ecclesia beati
Petri ibidem iuxta ampnem sitam, a venerabili capitulo Haffnensi
conductum recepisse sub condicionibus infrascriptis, primo quod ad
dies meos singulis annis vnam marcam argenti duobus terminis anni,
videlicet in festo beati Michaelis et in festo pasce, tutoribus
ecclesie, qui pro tempore fuerint, in bona moneta tempestiue erogabo.
Item predictam curiam edificabo per me ipsum inhabitando
edificatamque in bono statu cum tectura lapidea bene conseruabo. Item
edificia modo constructa et per amplius construenda non vendam nec
quomodolibet alienabo sine consensu capituli supradicti. Item tributa
seu alia queuis onera ex mandato regis seu ville temporibus meis
incumbentia sine aliqua recompensa soluere me astringam.
Predictis vero articulis vel aliquo illorum non seruatis, presentes
littere irrite sint et inanes, capituloque uel successoribus eorum
cum omnibus pertinentiis suis reuocandi et resumendi libera sit
facultas. Me autem de medio sublato sepedicta curia cum edificiis et
meliorationibus vniuersis libere cedat
|
IV s.235
|
