|
Biskop Jens af Roskilde beretter om Biskop Anders Muses Indvielse
af et Alter i Frue Kirke, indviet til Kristoffer Martyr, Benedikt
Abbed, St. Katrine af Siena og alle Helgene og lover Besøgere 40
Dages Aflad.
Johannes, Dei gratia episcopus Roskildensis, universis et singulis
presentes litteras visuris sive audituris, salutem et continuum
incrementum celestium gratiarum. Constare volumus universis,
reverendum patrem dominum Andream Muss, eadem gratia episcopum
Asloensem, sub anno domino millesimo qvingentesimo nono, feria qvinta
proxima post festum beati Kanuti regis et martyris, unum altare in
ecclesia collegiata beate Marie virginis Hafnensis, nostre diocesis,
in parte meridionali situatum, in honorem beatorum Christoferi
martyris, Benedicti abbatis, beate Katerine de Senis, et omnium
sanctorum, presentibus multis utriusque sexus hominibus, de nostris
commissione et voluntate, rite et canonice consecrasse ac eidem munus
consecrationis, attentius impendisse, cooperante ad hec gratia
spiritus septiformis, dedicationem ipsius in dominicam proximam post
festum beati Egidii, deinceps singulis annis solenniter celebrandum
transferendo et statuendo. Cupientes igitur, ut dictum altare per
eum, ut premittitur, consecratum, congruis habeatur reverentia et
honore, et a Christi fidelibus jugiter freqventetur et honoretur,
idcirco omnibus, qvi ipsum causa devotionis vel orationis
accesserint, pater noster cum Ave Maria, sive alias devotas
orationes ibidem legentes, prædicationes, missas seu alia diuina
officia in eo celebraverint, celebrari fecerint vel audierint: hiis
etiam, qvi ad altaris huiusmodi conservationem, ac missarum in ea
celebrandarum sustenstationem, necnon calicum, librorum,
vestimentorum, aut aliorum ornamentorum ibidem pro divino cultu
necessariorum meliorationem et augmentationem manus qvomodolibet
porrexerint adjutrices; qvotiens premissa vel eorum aliqvod cum
devotione peregerint, totiens de omnipotentis Dei misericordia, ac
beatorum Petri et Pauli apostolorum ejus auctoritate confisi,
qvadraginta dies indulgentiarum de injunctis eis penitentiis
misericorditer in domino relaxamus. In cujus consecrationis
testimonium secretum nostrum inferius duximus appendendum. Datum
Hafnis anno et die qvibus supra.
Pontoppidans Annaler II. 733-34.
|
IV s.310
|
