Kjøbenhavns Diplomatarium

Bind: IV
Side: 22-23
Nummer: 32

Sælands Landsthingsvidne, at Niels Pedersen, ogsaa kaldet Oldeniels, skænkede sit Gods i Ølsemagle til Kapitlet i Kjøbenhavn.

Omnibus presens scriptum cernentibus Johannes Glarmæster, tunc vicerector placiti generalis terre Syelendie, Georgius Rwth, miles, Johannes Laureucii, aduocatus in Valløff, Johannes Skyttæ de Gøthersløff, armigeri, Gerichinus Diægn, Petrus Alfast, Paulus Jensson et Johannes Nicolai, consules Ringstadienses, salutem in domino. Constare volumus vniuersis presentibus et futuris, quod sub anno domini m⁰. cd⁰. xviij⁰., proxima quarta feria ante festum natiuitatis sancti Johannis baptiste, constitutus coram nobis et pluribus fidedignis, in placito generali terre Sielendie existentibus, vir prouidus ac discretus

IV s.22

Nicolaus Petri, alias Aldeniels, omnia bona sua in Ølsiæmaghlæ in Ramsøhæreth sita, videlicet xx solidos terrarum, de quibus solent dari sex pund annone racione annue pensionis, sub modis et condicionibus, prout in literis super hoc confectis plenius continetur, ob remedium animarum, sue scilicet et dilecte vxoris sue Cristine Æbbesdoter, ipsa Cristina Æbbesdoter consenciente, venerabili capitulo Hafnensi contulit, dedit et scotauit, et ad possessionem eiusdem capituli libere assignauit, perpetue possidenda, domino Nicolao Lyberti, eiusdem ecclesie Hafnensis canonico, predictam scotacionem legaliter acceptante. Quod scimus, vidimus et audiuimus, presentibus protestamur. Datum anno, die et loco supradictis.

Orig. paa Perg. i Konsist. Ark. Af Seglene er et affaldet. Rørdam, Kirker og Klostre, T., 27.

IV s.23